نیگاریم گل دولانیم باشووا پروانه کیمی


یاپیشیم آق بیلگیندن یئنه دوردانه کیمی


عاشق الدوم سنه تا درک ائلییم مجنونی


سن ده اول لیلی کیمی من سنه دیوانه کیمی


قویمارام فیکرون آزیب بیر کره غملی اولسان


یوخسا من آغنیارام  بُنیه ده ویرانه کیمی


سنی اولگو بیلیرم حتتا منی سایمیاسان  


سئوگیلر مکتبینه اولموسان فرزانه کیمی


هر باغین گولری  بیر جورعطرین ساچمادادیر


سنین عطرین یاتیری کونولومه  ریحانه کیمی


اویناماز اولدوغو یئردن کیانین سون قراری


قالاجاق رویالاریندا سنه مستانه کیمی


29 تیرماه 98

کیان تبریزی

 

 

 

 



تاریخ : یکشنبه 30 تیر 1398 | 10:36 ق.ظ | نویسنده : - | نظرات

" ای ساچین ظل ایلاهی وی روخون اللاه نور "


ای اوزون قرص قمرتک وی اوُزون همتای حور


قوردوربسان تاج و تختی ایله شیبسن صدرده


سن منه سلطان قلبیم من سنه بیر خیردا  مور


قوی سسین گلسین سمادان روح دامیزدیرسین منه


بلکه ربیم ایله سین بوخوش سسی آهنگ شور


تا چالیر قلبیم سینه مده باغلیام من عشقیمه


همنفس اوللام سنه ای مه لقام گئدسم ده گور


ال گوتورمم سن کیمی لیلای دوران دان گولوم


مجنون اولسام دا یقین صحرایه گتمم اولسا زور


سن منیم محراب عشقیم ، اقتدا ائدیم سنه


چونکی تانریم ایله یب سنله منی خلقت ده جور


سن خیال اتمه " کیان " الدن گتدیبدیر او نیگار


خالیق سبحان وئریب سن شاعره او یاری سور

 

کیان تبریزی

نظیره بر بیتی از عماد الدین نسیمی

تیرماه 98

 

 

 

 

 

 



تاریخ : سه شنبه 25 تیر 1398 | 10:54 ق.ظ | نویسنده : - | نظرات

آمدم از تو بگیرم کام دل رسوا شدم


جان و دل دادم به تو بازنده سودا شدم


عیب دل پوشیده بودی با مه زیبای رخ


تا نقاب ازچهره افتاد عاشق تنها شدم


حیف از آن شب های رویایی که رفت


با خیالت مست مست شیشه ی مینا شدم


تا گلستان وجودت پر کشیدم بارها


بلبلی بودم ز عطرت واله و شیدا شدم


لیک اکنون نه دلی دارم نثارت رو کنم


با چنین حالی که در هجران همی معنا شدم


بر کیان کردی جفا تا آرزو بر دل بماند


گم شدم در سرنوشتم بی تو من پیدا شدم

 

کیان تبریزی

تیرماه 98

 

 

 

 

 



تاریخ : دوشنبه 24 تیر 1398 | 09:03 ب.ظ | نویسنده : - | نظرات

بیلمیرم یاده سالارسان من هیجران گئجه سی


دردیمه مرهم اولارسان یئنه درمان گئجه سی


سن منه تهمتیله دیل یاراسی وئردون او گون


داهی اولماز گله سن گورماغا بهتان گئجه سی


هچ یادیمدان چیخا بیلمز منه سن هیسلن دین


اورگی برک سیخیری تیکراری عصیان گئجه سی


عشقمین وارسا سراسی اونی یخدون باشیما


آیریلیب روح بدنیم دن بئله  ویران گئجه سی


قتلیمین هیجران الی ایله حوکمونی امضالادین


آیریلیق جلادی چکدی دارا فرمان گئجه سی


" کیانام " چالخالانیر دریادا عشقین گمی سی


یازیرام ساکن اولا بو گمی طوفان گئجه سی

 

کیان تبریزی

24 تیرماه 98

 

 



تاریخ : یکشنبه 23 تیر 1398 | 12:47 ب.ظ | نویسنده : - | نظرات

عشقیمه زلزله گلدی منی ویران ائله دی


بو ایشی یاریله باهم ایکی شیطان ائله دی


قول وئرمیشدی کی خلوت ده اولوبدیر گوروشاق


او ستمکار رقیبی باغرینا مهمان ائله دی


یاریله همدمدیق عشق باغیندا گول ایله


سئوگیلیم عهدی پوزوب ترک بو پیمان ائله دی


حیف اولا گژ تانیدیم دلبریمین اخلاقینی


آمما شادم کی زامان گون کیمی تابان ائله دی


چوخ چتین دیر ایکی عاشیق یولونی اَیری گئده


سئوگیلیم باخ کی عمل ده اونی آسان ائله دی


هر نه عشوه نازی وار من دن آلیبدیر گئددی


خلوتینده هاممی سین اوزگیه احسان ائله دی


داهی گوز یومدوم  اگر او گئده جاقدیر گئدسین


ایندی کی عشقی اوجوز ساتماغا ارزان ائله دی


ای " کیان " آنلی آچیق سان نیه کی چاشمامیسان


دوزمه او یار قائیدیب بلکه ده جبران ائله دی


22 تیرماه 98

کیان تبریز

 

 



تاریخ : شنبه 22 تیر 1398 | 07:48 ب.ظ | نویسنده : - | نظرات
.: Weblog Themes By BlackSkin :.