"ای ملت ایران اویان وقت سحردی ، گور بیر نه خبردی ؟

بسدیر بو قده ر یاتما چورورسن نه خبردی دور وقت سحردی "

 

باش قوزا داهی کهلیک اولوب بی خبر اولما

اطراف دا گزیب سایماز اولوب بی اثر اولما

یوردوندا بوجور ول دولانیب دیر هده ر اولما

باخ گور حالیمیز چوخ قاریشیب دیر نه طه هردی

دور وقت سحردی

 

میلت داها خرجین قاباغیندا دایانیبدیر

سانکی قوزی تک بریان اولوب اوددا یانیبدیر

فیکر ایله مه کی یاتمیش اولانلار اویانیبدیر

تَربَش دور ایاغه اوتورماق تیخا خطردی.

دور وقت سحردی

 

هین بیرلیگیله  یاغی لری قوو بودیاردان

یوخسا دوشه سن دونیا بویی قدر و عیاردان

آینده ده پیس یاد اولاجاق چوخلی بیعاردان

ایندی داها چیخ میدانا کی حال ظفردی

دور وقت سحردی

 

آش گوزلرووی اوغرولاری قویما دانشسین

دوغما دیاریم ویران اولوب بیله قاریشسین

دشمن لره وول وئرمه گلیب بیرده باریشسین

بیگانه نین هر بیر سوزی بیل میثل زَهردی

دور وقت سحردی

 

تا گوز یوموروق اولکه میزی غارت ائدیللر

واریوخ دان ائدیب ظولمه داهی عادت ائدیللر

چنگیز مغولی تک بو ایشی راحت ائدیللر

سایمیللار عجب بو شن دیاریم کئدی شهردی

دور وقت سحردی

اللاه سن اوزون قهریله بو ظولمی یغیشدیر

اونلار کی ستمکاردی عذابیله سیخشدیر

بو یاغیلرین جوقاسینی کوکلی قاریشدیر

احسان ائله بو اولکه میزه وقت ظفردی

گورسون نه خبردی

 

نظیره بر بیتی از حاج رضا صراف تبریزی

حسن کیانور – کیان تبریزی

  

 

 

 

 

 



تاریخ : پنجشنبه 11 مرداد 1397 | 12:31 ب.ظ | نویسنده : - | نظرات
.: Weblog Themes By BlackSkin :.