تبلیغات
اشعار " کیان " تبریزی - گلین ماهنیسی

        


       آستا آستا بولوت آخیر باش اوسته

       گوزل گوزلر آشاغیدا قاش اوسته

       هرنه دئسن من دئیرم باش اوسته

       آللاه وئریب سن گوزلی پای منه

       قیش گونومی ایلییه سن  یای منه

 

       گوزتیکیرم قیش قورتارا یاز گله

       سنله بیزه  عشوه گله ناز گله

       عاشیق ایاز قوجاغیندا ساز گله

       شن اوخویا سئوگیلی لر هاواسین

       هر کس تاپا اوز دردینین داواسین

 

       سن گلین سن من ده سنین یولداشین

       عومور بویو اولمالیام سیرداشین

       آتان آنان هممه شلیق قارداشین

       آچ اوزووی باخیم گوزل گوزلره

       دانیش بیر آز قولاخ وئریم سوزلره

 

       عشق اودنا هر کیم یانا خوش گله ر

        بو مجلسه آشیق دا سرخوش گله ر

        کوره کنه دوستلاری ساغدوش گله ر

        قاوال سسی قارمان سسی اوجالسین

        بئی گلین لر بیر قارسین قوجالسین


دیماه 95

حسن کیانور – کیان 



تاریخ : چهارشنبه 29 دی 1395 | 01:49 ب.ظ | نویسنده : - | نظرات
.: Weblog Themes By BlackSkin :.