ساقیا باده  گتیر دای اورگیم ... قان کیمی دیر


        قلبیمین قان دنیزینده هاوا ... طوفان کیمی دیر


        اوزولوبدیر تنیمن قودرتی دیزلر .....  تیتیریر


        هر ایچیم  باده اینان جسمیمه  درمان کیمی دیر


        آلیشیر فورقت ائوینده اورگیم ....... اودلانیری


        سانکی اودلاردا اورک یانماغا بریان کیمی دیر


        یاریمی آللاه ائویندن گتیریلر .........  حاجیدی


        بو نحیف تن یاریما  ذیبح ده  قوربان کیمی دیر


        اقتدا اِتمیشم او قارا قاشین ............. محرابینا


        او قوشا قاشلارا نیت ائله ...... ایمان کیمی دیر


        ساقیا دورما یتیر باده نی قوی ... مست ائله ئیم


        بیلیرم بو گئجه یار رویادا .... مهمان کیمی دیر


        یاز ( کیان)  ساقی اوچون دادلی غزل باده وِرَه


        بو غزل عاریف اوچون  قیمتی دیوان کیمی دیر

 

حسن کیانور – کیان

دیماه 95

 

 

 

 

 

 

 



تاریخ : سه شنبه 21 دی 1395 | 07:55 ب.ظ | نویسنده : - | نظرات
.: Weblog Themes By BlackSkin :.