آتالار آرزو ائله ر اولادی اعلایه چاتا

         اوج آلا قارتالا تای عرش ده مینایه چاتا

         بیلمیه غصه ندیرغم نه دی غمخانه ندیر 

         گذرانی خوش اولا سئودیگی رویایه چاتا

 

         آتالار آرزو ائله ر اولادی یوز ایل یاشیا

         زندگانلیق دا تیکان یوخ ائوینه گول داشیا

         شانسی خوش طینتی خوش سئوگی تاپا

         بختینه اهلی چیخا چاشمیا شانسی ناشیا

 

         آتالار آرزو ائله ر اولادی سرخوش دولانا

         دوز گزه دوز دانیشا اویمویا هرگیز یالانا

         گوز اولا آبروسینا قویمویا بیر دن جالانا

         دوینادان کامین آلا چکمیه کورلوق بالاسی

         غرق اولا لذت ایچینده سئوینه ناز آناسی

 

          آتالار آرزی ائله ر اولادی غیرتلی اولا

          بوی آتیب قد چکه او قامتی هیبتلی اولا

          فلکین بورنون اوغا حربه شجاعتلی اولا

          صبر ائده دور زمان دان آلا اوز نیتینی

          قویمویا ظاهیر اولا میللته پیس  طینتینی

 

          (کیانام) من آتایام آرزیلاریم واردی قالیب

          اولا کی دور فلک چوخلارینی ال دن آلیب

          اما افسوس کی زمانه اولاری یولدا سالیب

          ایندی اولادیما فیکر ایله ئیرم بس دی منه

          یولداشیم وار حیاتیمدا داها او کس دی منه

 

آذرماه 95

حسن کیانور - کیان

 

 

 

 

 

 

 

 

 



تاریخ : یکشنبه 19 دی 1395 | 01:30 ب.ظ | نویسنده : - | نظرات
.: Weblog Themes By BlackSkin :.