یـاز گـلـدی بـهـار اولــدی طبیعت تـازالانـدی  


         آق  یاسمنین عـطـری یـئـنـه بـاغــدا جـالاندی


         قار بوز ارییب چشمه لـــر آخـدی دره لـــرده


         بولبول گولی گورجک جان آلیبدیر هاوالاندی


         نور ساچدی گونش باغ باغاتا گوللر اویانسین


         هـر شاخــه آغاج اوسته  گوله دولدی قالاندی


         خاللی کپنک لـــر اوچـوری گـوی زمی لـرده


         به به نه گــوزل چــرخ فـلک یـازدا دولانــدی ؟


         یـاغـمـور یـاغـیـری جـان تاپیری لاله چمن ده


         داغـلاردان انیب چَـن اتـگـه شِحـلی  دومانـدی


         داغـلار دوشونـه بوللی سوری یان یانا یاتمیش


         نی چالدی چوبان چـولـده قـوزی نازلا اویاندی


         بو شن بهارآ یازدی ( کیان ) عشقیلی شعریـن


         تا گــوردی طبیعت نـه گــوزل رنگه بویانـدی



تاریخ : شنبه 28 اسفند 1395 | 06:57 ب.ظ | نویسنده : - | نظرات
.: Weblog Themes By BlackSkin :.