بایرام یتی شیر ...

 بیر دفعه ده طبیعت یئرین قارا توپراغینا غلبه چالیب یاشیل رنگی نن یازین گلماغین موشدولوق وئرسین ..

بایرام یتی شیر ...

کادین لار ائولرین توکیب چرکینلیقلاری قاپیدان اشیگه توکوللر ... اوشاقلار سئوینجاقدیلار تازا پالتارلارین گئیب تازا باشماقلارین تاماشایا قویسونلار ...

بایرامی یتی شیر ...

ایلین آخیر چرشنبه سینه عاید اولان ، چرشنبه یئمیشی ، تازا گلین لرین چرشنبه لیقلاری ، اوشاقلارین آل الوان اویون اویونچاقلاری  ، و بایرام بالیغی ، گویی وهفت سین سفره سی نین  بازاری راواد اولسون ...

بایرام یتی شیر ...

داهی هر نه غم غصه وارسا اولاری کوهنه ایلین آخار چایلارینا بوراخیب  و ایلین تازالانماسینان اورک ائولریمیزی ده سئوینج و محبتیله دولدوراق

کوسموشدوق ... باریشاق ... گوللر اوزونن قونشولارینان دانیشاق ... بویوک لرین گوروشونه چالیشاق ...

بایرام یتی شیر ...

آدامسیزلارین احوالاتیندان خبریمیز اولسون ... قویمویاق یتیم لرین ره روفی سولسون

دئیاق ... گولاق ... گوزلردن غم یاشین سیلاق ... سئوینجه دولاق

هفت سین سفره سی نین کناریندا گئدنلریمیزدن شیرینلیقینان یاد ائلیاق و اولاری دا بایرامین

گوزلیقیندا شریک بیلاق

بایرامی یتی شیر ...

گله جاغیمیزا یاخجی گونلر آرزیلاق ... وطنیمیزه امنیبت ، آزادلیق ، و آوادانلیق آرزیلیاق

دوشمنلریمیزین دالی اوتویماسین و هموطن لریمیزین قاباخچیل اولماسینی ایستیاق

ایل بایرامی موبارک اولسون

 



تاریخ : شنبه 28 اسفند 1395 | 12:51 ب.ظ | نویسنده : - | نظرات
.: Weblog Themes By BlackSkin :.