بالاجا کلبه ام اولایدی


         بیر قیفیلسیزبالاجه کلبه کی گاهدان


         هر گلیب یورغون اولان اوردا قالایدی


         نه گوزتچی نه حصارلاری اولایدی


         یولچونون یورقونلوغی اوردا چیخیدی


         او یاشیل داغ دا منیم کلبه ام اولایدی




         اوردا کی مست ائلییر شاعیر اولانلار


         اوردا کی ورد اوخویار ساحیر اولانلار


         او ردا کی نقاش اولار ماهیر اولانلار


         او چمن اوسته منیم کلبه ام اولایدی




         بیر بالا کلبه کی دوستون اتگی تک


         دولو عشقین هارایندان


         سسلیه نده هانی دوستوم


         گله سس داغ سرایندان


         بئله بیر کلبه گرح هامیلارا


         پای بولوش اولسون


         او صفالی دره لرده منیم هی ...


         بیر بالاجا کلبه ام اولاییدی




         اوردا کی سرو آغاجی


         کولگه سالیر چشمیه ساری


         قیرمیزی لاله گولی


         قول بویون اولموش گونه ساری


         اوردا کی زاغ زغن دن خبر اولماز


         اوردا کی مست ائلین لر کدر اولماز


         کاشکا اوردا بالاجا کلبه ام اولایدی

 



         جنگلین خوش سسینی داغ اشیده رکن


         چایلارین بوزلی سویی داغدان آخار کن


         اورداکی قوشلار اوخور نغمه لی سسله


         آهورلار اودلاییری نازلی نفسله


         اوردا کی بولبوله  دای باغلی قفس یوخ


         گوللره شح اوتوروب درمه گه کس یوخ


         منیم ایکاش بالاجا کلبه ام اولایدی




تاریخ : شنبه 9 اردیبهشت 1396 | 11:58 ق.ظ | نویسنده : - | نظرات
.: Weblog Themes By BlackSkin :.