سئویرم سیزه گلم ، قوناغین اولام ، قارا گیله قوناغین اولام

تیکانلی باغدا ایکی ، ایاغین اولام ، قارا گیله ایاغین اولام

ساچیوی آچاندا من ، داراغین اولام ، قارا گیله داراغین اولام

قوناق اوله یدیم ، سیزده قاله یدیم

سن آغلایاندا ، قارا گلیه ، قادان آله یدیم

++++++++++++++++

آچمیشام اورک سوزومی ، قارا گیله ، اورک سوزومی

قالمییب هیجره دوزومی ، قارا گیله ، هیجره دوزومی

بیری یوخ بیله سوزومی ، قارا گیله ، بیله سوزومی

گوزلریم گریان ، اورک پریشان

سن گلمه سن بیل ، قارا گیله ، اوللارام حیران

++++++++++++++++

سن من دن آرالی اولدون ، قارا گیله ، آرالی اولدون

یوردومون مارالی اولدون ، قارا گیله ، مارالی اولدون

نه دئدیم یارالی اولدون ، قارا گیله ، یارالی اولدون

سازیمی آللام ، هیجرینده چاللام

سن گلن یولا قارا گیله ، گوز تیکیب قاللام

 

بو شعری قارا گیله ماهنیسی نین آهنگینده یازمیشام ( گلمیشم اطاقووا اویادام سنی )

یاخچی دیر بیله سیز بو ماهنی نی رحمت لیک غلامحسین بیگجه خانی (عکس فوق)

بیر نافرجام عشقین تاثیرینده قوشوبدیلار

کیان تبریز بهمن آیی نین ایگیرمی اوچی 93



تاریخ : سه شنبه 19 بهمن 1395 | 07:53 ب.ظ | نویسنده : - | نظرات
.: Weblog Themes By BlackSkin :.