گوزلریم یول چکیری گل سنه قوربان من اولوم


لیلی سن سن مارالیم مجنون دوران من اولوم


جوت قاشین محرابیم اولسون سن اوزون پیشمنازیم


دین سیزی ارشاد ائله تازه مسلمان من اولوم


مین گوزل بیر طرفه سن گوزلیم بیر طرفه


اغیاری بوشلامیشوق گل سنه حیران من اولوم


ایسته سن اوستون آچاق گیزلی قالان عشقیمیزی


یوخسا سن ایسته مه سن عشق ده پنهان من اولوم


قویمارام سوز گله او عشقه اویان قامتووه


حایل اوللام جانووا غملرووه زندان اولوم


گل منی یوخلا گولوم یالقیز اولوب دیغلایارام


قویما سن سیز یاشایم هیجرانووا گریان اولوم


کیانام گوزله ییرم سن گله سن قلب ائوینه


خانا صاحیب سن اولارسان سنه مهمان من اولوم

کیان تبریزی

سوم خرداد 99  

 



تاریخ : شنبه 3 خرداد 1399 | 10:03 ق.ظ | نویسنده : - | نظرات
.: Weblog Themes By BlackSkin :.

شبکه اجتماعی فارسی کلوب | Buy Website Traffic | Buy Targeted Website Traffic