دردیم جانیما مرهم و درمان سنی ایستر


قلبین ائوینه سلقه لی مهمان سنی ایستر


آیدین اولا بیلمز کی گورم گونده یاناقین


خلوت گئجه ده گورمگه پنهان سنی ایستر


هر گون کچیری گونلریمیز هیجریله بیله


بو آیریلیقین دردینه جبران سنی ایستر


سینه مده اولان باخچانین گولزاری سارالیب


بیله خزان اولموش باغا باغبان سنی ایستر


او شن باخیشین چوخلارینی آزدیرار ای گول


من سهل دی که آزماغا شیطان سنی ایستر


واردیر سنه عاشیق بو جهان دا بونی بیلمک


لاکین بو آرا من کیمی اصلان سنی ایستر


حسرت ده قالیبدیر کیانین گوزلری جانا


دور گل گوزلیم قلبینه احسان سنی ایستر


کیان تبریزی

28 آبانماه 98

 

 

 



تاریخ : سه شنبه 28 آبان 1398 | 10:58 ق.ظ | نویسنده : - | نظرات
.: Weblog Themes By BlackSkin :.