سن سیز اولا بیلمز یاشیام دور زمان دا

سن سن منه دیلدار گولوم کل جهان دا

هر بیر باخشینلا آتیسان تیر موژه ندن

کپریک لرووین اوخلاری دیر قوس کمان دا

 سنله گئجه لر چوخلو خیالیمیدا دولانیق

بیلمم هارالاردا گزیروق ؟ هانکی مکان دا ؟

گویلوم طلب اتمیش سنی رویایمدا دیریلدم

جان جانا قاتاق صبحه قده ر وقت اذان دا

دورت فصل ده من بیر جوره سئودیم سنی جانا

یاز فصلی اولا یای ایله قیش ، فصل خزان دا

آل چکمه رم ای گوزلری گوچک یقینیم وار

هاردان تاپارام سن کیمی جیران بو زامان دا

سوز وئرمیشم اوستونده وارام پوزمارام عهدی

فریاده گلیب سویلویه رم اولسام امان دا

چوخلار سئویری سن مارالی لیک منیم سن

کاشکا بیله لر سن یاریمین میلی کیان دا

26 آبانماه 98

کیان تبریزی

 

 

 

 

 



تاریخ : یکشنبه 26 آبان 1398 | 01:40 ب.ظ | نویسنده : - | نظرات
.: Weblog Themes By BlackSkin :.