سئوگیلیم سویله بیلیم سن مارالیم هاردایدون


رویالاردا سیخیشان شن خیالیم هاردایدون


سنی من گویده گزیردیم تاپام ای ماه جبین


قوجا تبریز شهرینده ده گوروم هاردایدون


سنی تانریم قوروسون یاخشی منه دیلبرسن


کونلومی سرخوش ائدن مه جمالیم هاردایدون


چوخ شیرین سن باخایرام شهد لبیندن سوزوری


شککریم شان پتگیم دادلی بالیم هاردایدون


گوزلرین آهویا بنظیر صوراتین عین قمر


بو گوزلیک له دئنه بی مثالیم هاردایدون


ای "کیان" گوزله دیگین یاری تاپیپ سان دیه سن


سویله دیلداره گولوم خوش نهالیم هاردایدون

 

کیان تبریزی

آبانماه 98

 

   



تاریخ : چهارشنبه 22 آبان 1398 | 06:57 ب.ظ | نویسنده : - | نظرات
.: Weblog Themes By BlackSkin :.

ساخت وبلاگ در میهن بلاگ

شبکه اجتماعی فارسی کلوب | اخبار کامپیوتر، فناوری اطلاعات و سلامتی مجله علم و فن | ساخت وبلاگ صوتی صدالاگ | سوال و جواب و پاسخ | رسانه فروردین، تبلیغات اینترنتی، رپرتاژ، بنر، سئو