سن اونودسان دا اونود من سالارام یاده سنی


آند اولا آللاهیما من سِئویرم ساده سنی


بیر گون اولسا کی زامان قیسنیا سَندن قیریلام


چکه رم قیهه چاغیررام گینه ایمداده سنی


بیلمیرم هانکی مِئی ین کفلیسی سن آیلمیسان


اولمویا من دن آیرمیش سوله سیز باده سنی ؟


سِئویرم باغدا گزیب سه اوخویاق عشق سوزون


داها دور گل گوزلیم تا بیلم آزاده سنی


شیرین اول من ده یاریم داغلارین باغرین بیله سن


تاپشیریب خالق یزدان بئله فرهاده سنی


آهویا اوخشایری گوزلروون آغ قره سی


اولموسان شن شیکاریم وئرمه رم صیاده سنی


"کیانین" دا اورگین سرخوش ائله دردین آلیم


ایندی کی من سالیرام شعریله چون یاده سنی

 

کیان تبریزی

مهرماه 98

   

 



تاریخ : سه شنبه 16 مهر 1398 | 01:12 ب.ظ | نویسنده : - | نظرات
.: Weblog Themes By BlackSkin :.

ساخت وبلاگ در میهن بلاگ

شبکه اجتماعی فارسی کلوب | اخبار کامپیوتر، فناوری اطلاعات و سلامتی مجله علم و فن | ساخت وبلاگ صوتی صدالاگ | سوال و جواب و پاسخ | رسانه فروردین، تبلیغات اینترنتی، رپرتاژ، بنر، سئو