" اوزمه رم دونیادان ال ، یوخ ال ده داریم سان منیم  

   

           دار و دونیادا اولان ، دار و نداریم سان منیم "


          قیش گونوم ده دوندورا ، باغی باغاتی ، قار قیروو       


          سن گوزل گول یاپراغی ، رنگین باهاریم سان منیم


          ال گوتوررم سیم و زر دن ، آژقویام باش یاسدیقا       


          بیلمه رم آژلیق ندیر، شام و نهاریم سان منیم


          باشیمی قالدیرمیسان اغیاریدن یوکسک اولا           


          بول سبب دن عشقیمه ، شانلی ویقاریم سان منیم


          سازیمی چکسم قوجاغه ، یئر سنه قالماز گولوم        


          باغریما خوش گلمیسن ، سویله رسه تاریم سان منیم


          باغلارین اوستون آلار یوزلر دیل آچمیش مورغ لر   


          سینه مین باخچاسینا ، گورکملی ساریم سان منیم


          ساچلارین افشان ائله ، قوی یئل پریشان ایله سین     


          آل یاناقیلا اینان ، رویت ده ناریم سان منیم


          چیرپیینیر دائم اورک ، سنله تاپا آرام دل            


          دوشمه رم تشویشه بیل ، سونسوز قراریم سان منیم


          سن دن آلدیم الهامی ، شعر و غزل ده دیلبریم          


          سویلویه ر آیدین (کیان) قلبیمده یاریم سان منیم

کیان تبریزی




تاریخ : شنبه 6 مهر 1398 | 10:17 ق.ظ | نویسنده : - | نظرات
.: Weblog Themes By BlackSkin :.

ساخت وبلاگ در میهن بلاگ

شبکه اجتماعی فارسی کلوب | اخبار کامپیوتر، فناوری اطلاعات و سلامتی مجله علم و فن | ساخت وبلاگ صوتی صدالاگ | سوال و جواب و پاسخ | رسانه فروردین، تبلیغات اینترنتی، رپرتاژ، بنر، سئو