ای منیم ایسته مه لی نازلی نیگاریم بری گل


ای منیم افتخاریم شانلی ویقاریم بری گل


گوی سنین یئرده سنین من ده سنین دردین آلیم


گوزومون نوری اورک صبر و قراریم بری گل


سن منه جوهر جانسان جسمیمه تاب و توانسان


عومرومون فلسفه سی گوللی باهاریم بری گل


اورگیم ایسته ییری سنله اولام عومره بیته ر


کسمه من دن نظرین دار و نداریم بری گل


گونده مین یول سنه قوربان کسه رم جانیمیلا


سنه اووچی اولارام دوزلی شکاریم بری گل


داها خالقیم بیلیری سنه منه یار اولمالیسان


دیلیمین ازبری سن تکجه شعاریم بری گل


گویده آچ آغ قانادین اوج دوتوب شنلیگ ائله


" کیان "نین آغ یاهیسی خاللی هزاری بری گل

 

کیان تبریزی

مرداد ماه 98



تاریخ : پنجشنبه 10 مرداد 1398 | 11:18 ق.ظ | نویسنده : - | نظرات
.: Weblog Themes By BlackSkin :.

ساخت وبلاگ در میهن بلاگ

شبکه اجتماعی فارسی کلوب | ساخت وبلاگ صوتی صدالاگ | سوال و جواب و پاسخ | رسانه فروردین، تبلیغات اینترنتی، رپرتاژ، بنر، سئو | Buy Website Traffic