ای منیم نازلی نیگاریم سنه من جان وئره رم


داماریمدان یول آچیب قلبووه آل قان وئره رم


دردووین توخداماسین بیلسم اگر منله اولار


قلبیمی پشکش ائدیب قلبووه درمان وئره رم


قویمارام درد چکه سن دونیا بویی ای گوزلیم


روحیمی الده دوتوپ سن یارا سهمان وئره رم


شاهید اولام او گوزل گوزلروین باخماسینا


شادلیقی عمره بیته ر جانووا مهمان وئره رم


سنه لایق دی آچارام  قیرمیزی فرش لر یولووا


ایاق آتدا قوزو تک بو جانی قوربان وئره رم


سن سیز اولمور حیاتین لذذتی جانا دا قائید


باشین اوسته قاپی دا توتماغا قورآن وئره رم


(کیانام ) سن سیزاولانماز یاشییام تکجه قالام


بیلیرم سن سیز اولام روحوم اوچوب جان وئره رم

 

14 آذرماه سال 97



تاریخ : چهارشنبه 14 آذر 1397 | 06:29 ب.ظ | نویسنده : - | نظرات
.: Weblog Themes By BlackSkin :.