سن زولفونی آچ قوی دارییم شانه واریم دی


لعلیندن آخان بادیه پیمانه واریم دی


اوزگه باغی نین گول چیچگینده تاماهیم یوخ


قلبیم ده منیم سئوگیلی ریحانه واریم دی


هرکیم بیرینی ایسته ییری عشقینه لایق


من ایستیه لی عشقیمه دُردانه واریم دی


آرزیم بودی هر عاشق اولان عشقینه چاتسین


کونلوم ده منیم اوسوه ی شاهانه واریم دی


مجنون اَیه قارراهالنیری لیلی یه خاطر


دونیاده گوزل سئویگلی افسانه واریم دی


سیماسی مارال گوزلری شهلا دوداغی بال


اخلاقی متین مکتبی فرزانه واریم دی


سرخوش دی " کیان " دلبری نین حسنونه خاطر


سویلور غزلیله داهی مستانه واریم دی

 

حسن کیانور کیان تبریزی

آبانماه 97

 

 

 

 

 

 



تاریخ : شنبه 26 آبان 1397 | 05:36 ب.ظ | نویسنده : - | نظرات
.: Weblog Themes By BlackSkin :.