قوربان اولا جانم سنه سن سیز بوجانی نیلییرم


ال چکمیشم بو جانی دن درده دوانی نیلییرم


تا سن گئدیبسن غوربته اَل اوزموسن بو شهردن


کویوندا ویلان اولمارام سن سیز مکانی نیلییرم


ترکین قیلیب دای گتمیرم محراب و مسجده اولام


ایندی کی من هیجریندیم دین سیز دوعانی نیلییرم


چیریدمیسن بو دونیادان میل اتمیرم عاشق قالام


بو اینجیدن عشق عالمین  سونسوز جهانی نیلییرم


افسوس منی گوزدن سالیب میل ایله دین بیگانیه


ایندی بو حالی من گوروب یونگول بهانی نیلییرم


سنله سئوه ردیم دونیانی اوخشاردی هر یئر جننته


آیریلمیسان من دن بوگون حور و جنانی نیلییرم


آل چک (کیان) بو یاردن قوی کام آلا او یاردن


ویران ائله عشقین ائوین دیئنه  بینانی نیلییرم

 

حسن کیانور کیان تبریزی

شهریور 97

 

 

 

 

 

 



تاریخ : دوشنبه 19 شهریور 1397 | 12:34 ب.ظ | نویسنده : - | نظرات
.: Weblog Themes By BlackSkin :.