یالانچی عشقه تولاندیم هامی بیگانه لر بیلدی


اَل آتدیم می ایچم گیزلین اونی پیمانه لر بیلدی


یاریم اغیاریله بیرلشدی من دن آیریلیب گئدی


اورک ماواسی نی یخدی بوگون ویرانه لر بیلدی


داهی لیلا تورنمیرسئوگی باغیندا سئوه بولبول


 بئله بو مطلبی قاندیم فقط دیوانه لر بیلدی


نه چون عاشق اولوم بیرده وفا نایاب اولان یئرده


قرار و عهد و پیمانی هاچان ریحانه لر بیلدی


دا گلمز بیرده سارا تک جانین قوربان ائده سئل ده


بوجور دستانلاری شاید یازان افسانه لر بیلدی


" کیان" آنللیر داهی عشقی بو گون اغیاره مهان دی


یازیر کئفلندیرن شعرین یقین مستانه لر بیلدی

 

کیان تبریزی

حسن کیانور مرداد 97

 

 

 

 



تاریخ : پنجشنبه 25 مرداد 1397 | 12:56 ب.ظ | نویسنده : - | نظرات
.: Weblog Themes By BlackSkin :.