دوشموشم عشق اودونا رحم ائله انسان سان اگر


منی  کافرائله مه صاحب ایمان سان اگر


قوی گلیم کویووا بیر باش گورشو تازه لییم


آچ گیلن ائو قاپسین طالب مهمان سان اگر


ایزن وئرگونده گوروم حیف دی غصه قالانا


ریتمه سال بو گوروشو مایل میزان سان اگر


نه گوزل دی قاریشاق جان بیر اولوبسا دانیشاق


ایکیمیز ذیبحه گئدک عشق ایله قوربان سان اگر


قویما من آندا وئریم جانووا دایم گوزلیم


یوخسا آندین ایچه رم قائل قرآن سان اگر


سن منه سئوگیلی سن عالم و خاتم بیلیری


وارام عهدیمده بو گون حامی پیمان سان اگر


سئویرم آهو باخشیلا باخاسان گوزلریمه


بزه سن قلب ائویمی گوزلری جیران سان اگر


یاز ( کیان ) بو غزلی دفتروون گوشه سینه


اوسته لنسین غزلین شاعر دیوان سان اگر

 

خرداد 97

حسن کیانور کیان تبریزی

 

 



تاریخ : دوشنبه 7 خرداد 1397 | 10:04 ق.ظ | نویسنده : - | نظرات
.: Weblog Themes By BlackSkin :.