داها شعریمده آدون گلمیه جاق

داها قلبیم سنی یار بیلمیه جاق

داها عشقین دوداغی گولمیه جاق

گئت گولوم اوزگه لره سئوگیلی اول

هانکی بولبول اوخویورسا گولی اول

 

داها بسدی سنی من ایسته میرم

قلبیمه  سن تیکانی بسله میرم

آدووی دیلدن آتیب سسله میرم

سن داهی یولدان اولوب گتمه لیسن

اوزگیه عشوه و ناز اتمه لیسن

 

چوخ چالیشدیم منه سن یار اولاسان

 حیاتیم جا منه دیلدار اولاسان

ایسته میردیم بئله سن خوار اولاسان

آمما نیلیم منی سن ایسته مه دین

رقیبی خوشولویوبان پیسله مه دین

 

عیبی یوخدی سنی خوشبخت اولاسان

یاریلان بیر یاشیب سان قالاسان

گونده مین یول قاداسین سن آلاسان

کیانین دا واریدی گویده یاری

بیری آللاه تانییر من ده تاری



تاریخ : چهارشنبه 2 خرداد 1397 | 06:13 ب.ظ | نویسنده : - | نظرات
.: Weblog Themes By BlackSkin :.