" تانرینین باغینا باخ گور نه گولوستان یارادیب


منی عشقینده دیله نچی سنی سولطان یارادیب "


نه گوزلیک کی بو دونیاده گورورسن گوزونن


هامیسین خالیق سبحان سنه ارزان یارادیب


بیلمیرم هانکی سوتی اممیسن ای ماه جبین


گئجه مه آی اوزوی حق منه تابان یارادیب


چوخلو گویچک یارانیب آمما سنه یوخدی رقیب


تانری خوش گونده سنی عشقیله سهمان یارادیب


منی هر درده سالا چرخ فلک قورخوسو یوخ


رببیم ای گول سنی هردردیمه درمان یارادیب


گوزلرین آهویا بنظیر دوداغین غونچه کیمی


بو طبیعت نه گوزل گور سنی میزان یارادیب ؟


(کیانام ) چوخ سئویرم شعئر یازام دیلبریمه


تا گورم سئوگیلیمی رب اوزی دیوان یارادیب


 کیان تبریزی



تاریخ : چهارشنبه 10 آبان 1396 | 11:44 ق.ظ | نویسنده : - | نظرات
.: Weblog Themes By BlackSkin :.