منه باخ فصل خزان ، گوللو باهار آختاریرام


گوی چمن ایچره گزیب لاله عذار آختاریرام


باخیرام یاغمو آخیر دشت و دمن دوزلرینه


دومان آلمیش سَره ده یککه سوار آختاریرام


هوسیم یوخدی داها  اوزگه سارا یاریم اولا


خان چوبانی سایاقی چایدا نگار آختاریرام


چوخلو گوزلر گورورم جیرانا بنظیر هره سی


گورمورم هچ بیریسین چشم خمار آختاریرام


تامیشام دلبریمی آهو باخشیلا سئویرم


سانکی یاشیل مشه ده نازلی شیکار آختاریرام


گزیرم باغ باغاتی شوقیله خلوت گئجه لر


شاخه لر اوسته یاتان عشوه لی سار آختاریرام


( کیانام ) سویله ییرم شانلی غزل ده سوزومی


دونیانی بوشلامیشام عشقه وقار آختاریرام

 

حسن کیانور – کیان تبریزی

اول آبان 96

 

 

 



تاریخ : دوشنبه 1 آبان 1396 | 02:06 ب.ظ | نویسنده : - | نظرات
.: Weblog Themes By BlackSkin :.