ای ماه جبین توکرلرووی ایله پریشان


قوی یئل داغیدا هورمه گلین اولما پشیمان


آهو باخشینلا منی ائت مست و خورامان


قوی لخلیه قلبیمده اولان بنیه ده ایمان


عشقین ده داها بوشلامیشام مسلک و دینی


بلکه سنیله بیرده اولام دوغرو مسلمان


گل منله هاماش اول بو یولی نازلی نیگاریم


سن سن یاشایش کاروانینا سئومه لی ساروان


ای قاشی کامان گوزلری جیران منه باخ بیر


سنله یاشاماق یوللاری اولموش منه  آسان


آی تک گئجه مه ماه رخون نور جالیبدیر


اون دورد گئجه لیک آی کیمی سن ای مه تابان


به به نه گوزل یازدی ( کیان ) وصف جمالین


سن سن گوزلیم شن غزله عشقیلی میزان


9 مهرماه سال 96

حسن کیانور - کیان تبریزی

 

 

 

 

 

 

 



تاریخ : یکشنبه 9 مهر 1396 | 09:36 ق.ظ | نویسنده : - | نظرات
.: Weblog Themes By BlackSkin :.