صبح اولونجا یاتمادیم یاندیم رقیبین حالینه


توپراق آغلیر گورنئجه عالمدیر داشین حالینه


گوزله دیم یاریم گله توخداق وئره بد حالیمه


گلمه دی یالقیز قویوب لعنت دئدیم اقبالیمه


بوشلادیم باشیمدا کی سئودا لاری افسوسیله


چیخمارام گلسه داهی اولسم ده استقبالینه


هاردادیر فرزانه لر یاری نصحیت ایلیه


آندیرا عشقین طریقین علم ایله او ظالیمه


آچمیشام بوینوم داکی زنجیر عشقی آزادام


دوشمه یم کاروان کیمی او ساروانین دونبالینه


گویلره پروازائدیب اوج آلمیشام قارتال کیمی


من داها قاراهلانیب گوز تیکمیشم اوز بالیمه


یازمایب یازماز ( کیان ) بهتان سوزی عاشقیلره


چونکی دقت ایلیه ر پیشمیش سوزیله کالینه 



تاریخ : چهارشنبه 13 اردیبهشت 1396 | 11:24 ق.ظ | نویسنده : - | نظرات
.: Weblog Themes By BlackSkin :.